Thursday, December 28, 2006

أبى ذر الأزهرى

أبى ذر الأزهرى

Tuesday, December 19, 2006

بسم الله والحمد لله والصلاة والسلام على رسول الله
سعدت كثيرا بنشر مقالتى .. وحيد فى المعمل .. وهى تجربة خاصة خضتها فى السنة الأولى فى كلية العلوم ... وذلك عندما إبتدأ الدكتور ب .... لا لا ... أدخل الموقع وأقرأها بنفسك لأن أقص عليك شيئا .... :)
http://www.55a.net/firas/arabic/index.php?page=show_det&id=1090&select_page=13

ملحوظة : هذه المقالة ستساعدك علىفهم لقطعة الفلمية للبى بى سى

Friday, December 01, 2006

كلام فى المفيد قبل العيد !


هاسألك سؤال بس تجاوب بصراحة لما يجى على ذهنك عيد الأضحى إيه أول حاجة بتفكر فيها ؟

خلى بالك إحنا إتفقنا إنك تجاوب بصراحة

واحد هيقول الخروف والتانى اللحمة والثالث البهجة وغيره الراحة من الشغل ........

طيب , إحنا كدا مش بنفكر صح .... معلش أنا لازم أتكلم بصراحة بردو ...


أول شئ تفتكره سيدنا إبراهيم


تخييل معايا أب قعد ما خلفش لغاية ماكبر وخلاص حس إنه مش هايخلف خالص جاب ولد ... ياترى هايحب إبنه أد إيه ؟؟؟ طب تخيل إن الولد كبر شويه وبقه 11 سنة مثلا أبوه هايتعلق بيه ازاى ؟؟ طيب لو قلنا للأب ده خد 100 مليون جنيه واكسرلو دراعه ... ياترى هايرضى ؟ طبعا لأ

تخيل بأه إن الله أمر سيدنا إبراهيم بأنه يدبح إبنه و بإديه ! يعنى لم يأمره الله تعالى بمفارقه إبنه ولا حتى بقتله بأى طريقة بدس السم مثلا وبعدين يصحى الصبح يدفنه .... لا ده يجيب سكينة ويذبح إبنه بنفسه ...... فما كان من سيدنا إبراهيم وإسماعيل إلا أنهما إمتثلا لأمر الله تعالى وخلاص الولد سلم رقبته لأبيه .... والأب فى يده السكينة و هايذبح .... فداه الله بذبح عظيم


إبراهيم إمام الناس كلهم مسلمين ويهود ونصارى


قمة التوحيد وقمة العبادة لله ضربها لنا سيدنا إبراهيم وسيدنا إسماعيل علشان حاجات كثيرة .. منها تعليم الناس كلهم مسلمين ويهود ونصارى مثال عملى واقعى لعبادة الله وتوحيده


الخروف والعيد

الخروف دلوقتى بيفكرك بأيه ؟ ....

طيب , لما ربنا يؤمرك بالصلاة على وقتها هاتنفذ الأوامر اللى جايالك ولا لأ ؟؟؟

لما يقولك جل جلاله دى حرام إياك تعملها هاتنفذ الأوامر دى وتحاول تبقى زى سيدنا إبراهيم ولا مش هاتنفذ ؟

أمرك غريب بصراحة ... ياعنى ربنا لم يأمرك بحاجات صعبة ولا بذبح إبنك ولا حاجة خالص ....

كلها أمور سهلة تعملها وحاجات حرام تسيبها وبس


كل سنة وإنت طيب

كل سنة وإنت طيب و عايزك العيد ده تفتكر سيدنا إبراهيم و تحاول تقلده وتقول ..... يارب أنت أحب إلى من نفسى وأهلى وأصحابى أمرتنى وأنا عبدك المطيع ... هانفذ أى حاجة تؤمرنى بيها .... يارب اهدنى صراطك المستقيم .. وأعنى على ذكرك وشكرك وحسن عبادتك .....